گھر کی وہ جگہیں جنہیں لازمی صاف کرنا چاہیۓ

Hamna—Homify Hamna—Homify
homify Modern home
Loading admin actions …

ہم اکثر سوچتے ہیں کہ کچھ لوگوں کے گھر کس طرح ایسے صاف ستھرے اور چمکدار نظر آ رہے ہوتے ہیں جبکہ ہم جتنی بھی محنت کر لیں، اس طرح کی صفائی اور چمک دمک لانا ہمیں ناممکن لگتا ہے۔ اسی مسئلے کے حل کے لیے ہم آج آپ کے لیے چند ایسی ٹپس اور ٹرکس لاۓ ہیں جن کی مدد سے آپ اپنے گھر کو چمکتا دمکتا بنا سکتے ہیں۔ ان طریقوں کے استعمال کے بعد آپ کا گھر تازہ، خوبصورت اور خوشبو سے مہکتا رہے گا۔

1- شاور ہیڈ کو نہ بھولیں

آپ کے غسل خانے میں سب سے زیادہ گندا کچرا نمی کی وجہ سے جمع ہو جاتا ہے۔ اس بات کو یقینی بنائیں کہ جب بھی آپ نہائیں تو ہر جگہ کو خشک کریں۔ اس کے علاوہ اپنے شاور ہیڈ کو بھی باقاعدگی سے صاف کریں اور نلکے اور ٹائیلز کو بھی صاف کر لیں۔

2- اندر کے حصے

جب بات آۓ گھر صاف کرنے کی تو صرف بڑی چیزوں جیسے فرش اور سطحوں کو ہی صاف کرنے کا نہ سوچیں بلکہ اندر کے کونے کھدرے بھی توجہ مانگتے ہیں۔

ان جگہوں کو صاف کرنے کے لیے الگ سے چھوٹے برش وغیرہ استعمال کریں، تاکہ آپ کا گھر صاف ستھرا لگے۔

3. ​کھڑکیوں کے فریم

گھر کی کھڑکیاں خاص طور پر وہ جن پر پانی جمع ہو جاتا ہے، ان کو خصوصی طور پر صاف کرنا چاہیۓ۔ ورنہ ان پر بد نما دھبے لگ جاتے ہیں۔ اور اس کے علاوہ لکڑی بھی گلنے لگ جاتی ہے۔ جب بھی ان پر پانی جمع دیکھیں تو انہیں صاف کر دیں۔

4. ​باتھ میٹ

لوگ سمجھتے ہیں کہ آپ کے پیروں کو صاف رکھنے والے میٹ کو دھلائی کی کوئی ضرورت نہیں۔ حالانکہ ان کو ہفتے میں ایک مرتبہ ضرور مشین میں ڈال کر گھما دینا چاہیۓ۔ اس طرح آپ بہت سی پیروں کی بیماریوں سے بچ جائیں گے۔

5. ​ٹیکنالوجی سکرین

آج کل کی تمام جدید ٹیکنالوجی ٹچ سکرین والی ہے۔ آپ اپنی تمام جدید اشیاء کو ہفتے میں ایک دفعہ لازمی اچھی طرح پونچھ لیں تاکہ ان کی زندگی بڑھی رہے۔

6. ٹائلز گراؤٹ

آپ اپنے گھر کے ٹائلز کو تو یقیناً صاف کرتے ہوں گے مگر کیا ان کے درمیان موجود گراؤٹ کو کبھی صاف کیا ہے؟ ادھر سب سے زیادہ جراثیم نشو نما پاتے ہیں۔ کسی پرانے ٹوتھ برش کو بلیچ میں ڈبو کر ان جگہوں کو صاف کریں۔

7. ​استری

اگر آپ کی بھاپ والی استری ہے تو پھر آپ اسے لازمی سفید سرکے سے صاف کریں ورنہ اس پر سفید رنگ کا مادہ بہت تیزی سے اکٹھا ہو جاتا ہے جو کپڑوں پر بدنما دھبے چھوڑ دیتا ہے۔

8. ​ویکیوم کا برش

سوچیں آپ کے ویکیوم کا برش کیا کیا گند اپنے اندر کھینچتا ہے۔ کسی پرانی کنگھی سے لازمی اس برش کو بھی صاف کریں۔

9. ​صفائی والی اشیاء

ہے تو عجیب سی بات مگر آپ کی صفا‎ئی والی اشیاء کو بھی صفائی کی ضرورت ہوتی ہے۔ کسی بھی صاف ستھرے کپڑے سے ایک دفعہ ان چیزوں کو بھی پونچھ لیں تو یہ زیادہ بہتر رہے گا۔

10. مصیبت بھرا

یہ تصویر ہر صفائی پسند شخص کے لیے بہت بڑا عذاب ہوتی ہے۔ یقیناً آپ اسے صاف کرنے کے لیے ویکیوم کا استعمال کرتے ہوں گے مگر پھر اس ویکیوم کو بھی اندر سے صاف کرنا مت بھولیں کیونکہ ان مٹی اور دھاگوں سے بنے پھائیوں سے آپ کا ویکیوم بہت جلدی خراب ہو جاۓ گا۔

اپنا کلینر خود بنائیں

اگر آپ کو باہر سے خریدا ہوا کیمیکل سے بھر پور کلینر پسند نہیں تو آپ اسے خود بھی تیار کو سکتے ہیں۔

تھوڑے سے پانی میں لیموں ڈال کر اسے گرم کر لیں اور چاہے تو اس میں تھوڑا سا سرکہ اور بیکنگ سوڈے بھی شامل کر لیں۔ اس کی مدد سے آپ اپنے پورے گھر کو صاف کر سکتے ہیں۔

گھر کو بہتر بنانے کے لیے پانچ بہترین تجاویز بھی دیکھیں.

Need help with your home project?
Get in touch!

Highlights from our magazine