چولہوں کے لیے ۷ تجاویز

Resham Ejaz Resham Ejaz
Терраса-Взлетная полоса, Bureau GN Bureau GN Rustic style garden
Loading admin actions …

کیوں کہ گرمیاں شروع ہو چکی ہیں ( مگر یہ ہمیشہ نہیں رہیں گی ) ہم نے سوچا کہ ہم گھر سے باہر استعمال کیے جانے والے چولہوں کی ان ۷ شاندار تجاویز پر ایک نظر ڈالیں گے کیوں کہ یہی موقع ہے کہ آپ گھر سے باہر موسم کا لطف اٹھائیں اور دوستوں سے ملیں۔ 

مگر ظاہر ہے کہ ہر انسان کا ذوق مختلف ہوتا ہے، جس کا مطلب یہ ہے کہ اگر ایک انسان کو ایک خاص قسم کا اندازِ یا فعالیت پسند ہو تو ضروری نہیں کہ باقی سب بھی اس سے متفق ہوں۔ ( چاہے وہ کوئی پکنک ہو، رہنے کے کمرے میں رکھا گیا صوفہ یا کچن میں رکھ اوون )۔ اور یہاں ہومی فائی پر ہم انفرادی طور پر لوگوں کی پسند نا پسند کو مد نظر رکھنے کی کوشش کرتے ہیں۔ 

تو آگے بڑھیے اور یہ ۷ مزےدار تجاویز دیکھئے جو آپ کی اگلی پکنک کو یادگار بنا دیں گی۔

۱۔ سب کو خوش رکھیے

یہ گوشت نہیں کھاتا، اِس کو چکن نہیں پسند، اسے مچھلی نہیں چاہیے… ہم ہر ایک کی پسند کے مطابق كھانا بنانے کی مشقت سے واقف ہیں۔ مگر چھوٹے چھوٹے حصوں پر مشتمل یہ حُسْن کی مثال اتنی منفرد اور اعلی ہے کہ ہو ہی نہیں سکتا تھا کہ ہم اسے اپنی فہرست میں شامل نہ کرتے۔ 

کیا آپ یہاں ایک سے زیادہ کام ہوتے دیکھ سکتے ہیں؟

۲۔ پیزا پارٹی

کس نے کہا کے آپ کو پیزا کا مزہ لینے کے لیے اوون کی ضرورت ہے؟ اگر آپ کے پاس درست سائز کی گرل ہو تو آپ کوئی بھی پیزا دہکتے کوئلوں کے اُوپر رکھے گئے توے پر رکھ کر تیار کر سکتے ہیں۔ 

کیا آپ کو اپنے گھر کے لیے کسی پِیشہ ور کی ضرورت ہے؟ ہماری پِیشہ وروں کی فہرست دیکھئے۔

۳۔ کشش سے بھرپور

چاہے آپ گوشت بھونیں یا سبزیاں ( یا دونوں )، یہ سادہ ڈیزائن ان کے لیے ہے جو گھر سے باہر كھانا پکانے کے لیے ایک نفیس اور جدید جگہ چاہتے ہیں۔ 

اور دیکھئے، یہاں ایک تنصیب کردہ سنک بھی ہے جس کا مطلب یہ ہوا کہ آپ کو کچھ بھی دھونے کے لیے گھر کی طرف دوڑنے کی ضرورت نہیں۔

۴۔ باورچی خانے کا حصہ

ایک چولہے کا مقصد صرف كھانا پکانا تو نہیں ہوتا۔ دوستوں اور سماجی ماحول کا کیا؟ تو اِس کے لیے آپ کے پاس ایک خوبصورت کاؤنٹر اور آرام دہ سٹول ہونے چاہییں۔ 

کیا خیال ہے؟

۵۔ نہایت فعال

اور اگر آپ کو اپنے چولہے پر كھانا پکانے اور کھانے کے لیے بہت سی جگہ کی ضرورت ہے ( جو کس کو نہیں ہوتی؟ ) تو ہم آپ کو یہ متوازن اور جدید اندازِ استعمال کرنے کا مشورہ دیں گے۔ اور دیکھئے یہاں لکڑیاں یا کوئلہ جمع کرنے کی کتنی ساری جگہ موجود ہے جس کا مطلب ہے آپ اپنا سارا سامان یہاں رکھ سکتے ہیں۔ 

اور سامان رکھنے کی جگہ کی بات ہو تو…

۶۔ بے انتہا سامان رکھنے کی جگہ

کوئلے، لکڑیاں، آگ جلانے کا سامان، توے، مسالے… ظاہر ہے ہم ان تمام چیزوں کی بات کر رہے ہیں جو ایک کھانے کو شاندار بناتے ہیں۔ اور اگر ہم ہر بار کسی چیز کی ضرورت پڑنے پر گھر کی طرف نہیں دوڑنا چاہتے، تو ہمیں نہیں دوڑنا پرے گا۔ 

ہم بس اِس جادوئی تخلیق کا انتخاب کریں گے جس میں بھڑکتی آگ کو سٹیل کی خوبصورت الماریوں کے دروازے گھیرے ہوئے ہیں جن کے پیچھے ہم اپنے سارا سامان رکھ سکتے ہیں۔

۷۔ گھر کے باہر بنا باورچی خانہ

یہ کتنا خوبصورت ہے! اِس کی ہموار، صاف سُتھری سٹیل اینٹوں سے بنی دیوار اور میز میں کچھ چمک کا اضافہ کرتی ہے۔ بس اِس میں آگ جلانے کے لیے ایک دھوپ والے دن کا انتخاب کیجیے۔ 

مزید تجاویز دیکھئے: لکڑی سے بنی ۷ چیزیں جو آپ کے گھر کو شاندار بنائیں گی۔

Need help with your home project?
Get in touch!

Highlights from our magazine